ສິ່ງທີ່ຄວນເຮັດຢູ່ testtt

ຈາກຍອດພູສີ, ທ່ານສາມາດເພີດເພີນກັບວິວທິວທັດຕົວເມືອງທີ່ສວຍງາມແບບ 360 ອົງສາ, ນອກຈາກນັ້ນຍັງເຫັນວັດວາອາຮາມຫຼາຍແຫ່ງ ແລະ ບໍລິເວນນັ້ນຍັງມີທິວທັດທີສວຍງາມປະສົມປະສານກັບພູຜາທີ່ສາມາດສຳພັດໄດ້. ນັບວ່າໃຊ້ເວລາສອງສາມຊົ່ວໂມງໃນການການປີນພູໂດຍມີຫລາຍໆບ່ອນເພື່ອທີ່ຈະຢຸດຊົມພຣະວິຫານ, ວັດວາອາຣາມ, ພັກຜ່ອນກ້ອງຕົ້ນໄມ້ທີ່ມີຮົ່ມເຢັນແລະ ຊົມວິວທິວທັດທີ່ມະຫັດສະຈັນ.

ມີຂັ້ນໄດຫຼາຍຮ້ອຍຂັ້ນໃນການຂື້ນເທິງພູ, ແຕ່ການປີນພູແມ່ນບໍ່ຍາກຫຼາຍສຳລັບຜູ້ທີ່ມີສຸຂະພາບທີ່ບໍ່ເອື້ອອຳນວຍ. ເພື່ອຢາກໃຫ້ຮອດພູສີແທ້, ຕ້ອງຂຶ້ນເທິງພູສີຂ້າງໜຶ່ງ ແລະ ໃຊ້ຂັ້ນໃດລົງອີກຂ້າງໜື່ງ. ທ່ານສາມາດອະທິຖານ ແລະ ຖວາຍເຄື່ອງບູຊາຢູ່ວັດແຫ່ງຕ່າງໆຕາມທາງຂື້ນ - ລົງພູສີ. ຖັດຈາກວັດຈອມສີທີ່ຢູ່ເທິງສຸດຂອງພູ, ທ່ານສາມາດຊື້ດອກໄມ້ເພື່ອຖວາຍພອນ, ພ້ອມທັງປ່ອຍນົກ. ໃນປະເທດລາວເຊື່ອວ່າຖ້າທ່ານປ່ອຍນົກໃຫ້ເປັນອິດສະຫຼະທ່ານຈະໂຊກດີ ແລະ ມີຄວາມສຸກໃນອະນາຄົດ.

ໃນຊ່ວງລະດູການທ່ອງທ່ຽວ, ນັກທ່ອງທ່ຽວຫຼາຍຄົນຕັ້ງໃຈຖ້າເບິ່ງຕາເວັນຕົກດິນຢູ່ເທິງຍອດຂອງພູສີ ແລະ ມັນເປັນເລື່ອງທີ່ຍຸ້ງຍາກ ແລະ ແອອັດຫຼາຍ. ທີນງານດິສໂຄເວີລາວເຮົາຈຶ່ງຂໍແນະນຳໃຫ້ທ່ານໄປຢ້ຽມຊົມໃນຕອນເຊົ້າເພາະເປັນການເດີນທາງທີ່ສະດວກສະບາຍ ແລະ ທ່ານຍັງຈະໄດ້ມີໂອກາດຖ່າຍຮູບງາມໆໄດ້ຫຼາຍກວ່າອີກ.

ເວລາເປີດ: 8 ໂມງເຊົ້າ - 5 ໂມງແລງ

ຄ່າເຂົ້າປະຕູ ຄົນລາວ: 10,000 ກີບ 

ຄົນຕ່າງປະເທດ: 20,000 ກີບ

ພະລາດຊະວັງເກົ່າສ້າງຂຶ້ນໃນປີ ຄສ. 1904 ແລະ ສະຫຼະຣາຊສົມບັດໄປໃນປີ ຄສ. 1975 ໂດຍລັດຖະບານລາວ. ປັດຈຸບັນຫໍພິພິທະພັນແຫ່ງຊາດຫຼວງພະບາງ, ໄດ້ເກັບຄ່າເຂົ້າຊົມ 30,000 ກີບ (3.75 ໂດລາສະຫະລັດ). ຫ້າມຖ່າຍຮູບພາຍໃນວັງ ແລະ ເຄື່ອງໃຊ້ສ່ວນຕົວເດັດຂາດ. ຢ່າລືມຢ້ຽມຊົມ ພຣະບາງ ທີ່ມີມາຕັ້ງແຕ່ສະຕະວັດທີ 14 ແລະ ໄດ້ຕັ້ງຊື່ເມືອງ ຫຼວງພະບາງ ຕາມພຣະບາງ.

ກະລຸນາແຕ່ງກາຍໃຫ້ເໝາະສົມສຸພາບຮຽບຮ້ອຍປົກປິດຫົວເຂົ່າ ແລະ ບ່າໄຫລ່ຂອງທ່ານກ່ອນເຂົ້າຫໍພິພິທະພັນ ຫລື ທ່ານສາມາດເຊົ່າເສື້ອຜ້າພື້ນເມືອງຢູ່ທີ່ທາງເຂົ້າຫໍພິພິຕະພັນ. ຖ້າບໍ່ດັ່ງນັ້ນທ່ານຈະບໍ່ໄດ້ເຂົ້າຢຽມຊົມ.

ເປີດທຸກວັນເວລາ: 08:00 ເຊົ້າ - 11ໂມງ30 ແລະ 13:00 ໂມງ - 15:30 ໂມງແລງ (ໄດ້ມີການອະນາໄມໃນວັນພະຫັດ, ປິດເວລາ 15:00 ໂມງ) ປິດວັນອາທິດ

ບ່ອນຂາຍປີ້: 08:00 ເຊົ້າ - 11:00 ເຊົ້າແລະ 13:00 ໂມງແລງ - 15:00 ໂມງແລງ

ຄ່າທໍານຽມເຂົ້າຊົມ: 30,000 ກີບ

ຜົນງານທີ່ໜ້າປະທັບໃຈທີ່ທຳມະຊາດໄດ້ສ້າງຂຶ້ນແມ່ນໄດ້ຮັບຄວາມນິຍົມຫຼາຍໃນລະດູຝົນ, ເນື່ອງຈາກວ່ານັບຕັ້ງແຕ່ເດືອນມີນາ ຮອດ ເດືອນກໍລະກົດຈະມີນ້ຳຫຼາຍຢູ່ໃນບໍ່ນ້ຳ. ເຖິງແມ່ນວ່າຈະບໍ່ສູງເທົ່າຕາດກວາງຊີກໍ່ຕາມ, ແຕ່ນ້ຳຕົກຕາກແສ້ກໍ່ຍັງຄົງເປັນໜຶ່ງໃນນ້ຳຕົກຕາດລາວທີ່ສວຍງາມ. ມີນ້ຳໄຫລຜ່ານໜ້າຜາຫີນປູນທີ່ງົດງາມ ແລະ ມະຫັດສະຈັນ ໄຫຼຜ່ານເປັນຂັ້ນໆກ່ອນທີ່ຈະໄຫຼເຂົ້າໄປໃນຈຸດອາບນ້ຳໃຫຍ່ທີ່ຢູ່ດ້ານລຸ່ມ.

ນ້ຳຕົກຕາດແສ້ເຮັດໃຫ້ນັກຖ່າຍຮູບມີໂອກາດໄດ້ບັນທຶກພາບນ້ຳຕົກທີ່ໜ້າອັດສະຈັນ ແລະ ນັກທ່ອງທ່ຽວມີໂອກາດໄດ້ເຫັນເຖິງຄວາມມະຫັດສະຈັນຕ່າງໆຂອງທຳມະຊາດໄດ້ດ້ວຍນ້ຳຕົກສວຍງາມທີ່ເກີດຈາກການກໍ່ຕົວຂອງຫີນປູນທີ່ມີຮູບຊົງສວຍງາມໃນປ່າສີຂຽວອຸ່ມຊຸ່ມ.

ສຳລັບນັກຜະຈົນໄພ, ທ່ານສາມາດໄປນ້ຳຕົກຕາກແສ້ໄດ້ໂດຍການພາຍເຮືອກາຍັກຢູ່ເທິງແມ່ນ້ຳຄານ. ມັນເປັນກິດຈະກຳຍອດນິຍົມໃນຫຼວງພະບາງເພາະວ່ານ້ຳໄຫຼຊ້າ ແລະ ສະຫງົບ. ເໝາະສຳລັບຄົນທີ່ຫາກໍ່ເລີ່ມຕົ້ນພາຍເຮືອກາຍັກ ແລະ ຄົນທີ່ພາຍເຮືອກາຍັກໃນຄັ້ງທຳອິດ.

ຫຼື ທ່ານສາມາດເຊົ່າລົດຮັບສົ່ງໄປຮອດທ່າເຮືອໃນທ້ອງຖິ່ນ ແລະ ປ່ຽນຂີ່ເຮືອໃນທ້ອງຖິ່ນໃນລາຄາ 10,000 ກີບ/ຄົນ ເພື່ອໄປທີ່ນໍ້າຕົກ. ແຕ່ບໍ່ລວມຄ່າປີ້ທາງເຂົ້າ.

ເວລາເປີດ: 08:00 - 17:00 ໂມງແລງ

ຄ່າເຂົ້າຊົມ: 15,000 KIP

ຄົ້ນພົບສະເໜ່ອັນສວຍງາມ, ຄວາມງຽບສະຫງົບທີ່ເປັນເອກະລັກຂອງເມືອງ ແລະ ວິຖີຊີວິດທີ່ແທ້ຈິງຂອງຄົນທີ່ອາໄສຢູ່ນີ້. ເພີດເພີນໄປກັບການຈິບຊາ, ກາເຟທີ່ຮ້ານກາເຟທ້ອງຖິ່ນ ຫຼື ຍ່າງຫຼິ້ນ, ປັ່ນລົດຖີບໄປຮອບໆເມືອງເພື່ອພົບປະຜູ້ຄົນຕ່າງໆທີ່ເປັນມິດ ແລະ ເບິ່ງສະຖາປັດຕະຍາກຳທ້ອງຖິ່ນອັນສວຍງາມ.

ທິວທັດ ແລະ ໂຄງສ້າງໃນເມືອງຍັງຄົງຄວາມເປັນເອກະລັກ ແລະ ພື້ນທີ່ດັ່ງກ່າວຈະບໍ່ຖືກລົບກວນຈາກສິ່ງປຸກສ້າງໃຫຍ່ໃດໆທັງນັ້ນ. ວັດວາອາຮາມຕ່າງໆແມ່ນໄດ້ຮັບການບົວລະບັດຮັກສາຢ່າງສະໝ່ຳສະເໝີ, ພະສົງຕ່າງກໍ່ສອນໃຫ້ສຳມາເນນຮູ້ຈັກວິທີການບົວລະຮັກສາມໍລະດົກຂອງພວກເຂົາ. ນອກຈາກນີ້ສາສະໜາພຸດ ແລະ ປະເພນີວັດທະນາທຳທີ່ກ່ຽວພັນກັບສາສະໜາຍັງຄົງສືບທອດກັນມາຍາວນານ. ເຖິງຢ່າງໃດກໍ່ຕາມ, ຄວາມເປັນເອກະລັກຂອງວັດສະດຸ ແລະ ເຕັກນິກການກໍ່ສ້າງຂອງບ້ານຫຼາຍໆຫຼັງກໍ່ເລີ່ມເຊື່ອມໂຊມ ແລະ ຫາຍໄປ ເນື່ອງຈາກໄລຍະເວລາທີ່ຜ່ານມານັ້ນ ຈຶ່ງເຮັດໃຫ້ມີການໃຊ້ວັດສະດຸສະໄໝໃໝ່ເຂົ້າມາຊ່ວຍໃນການສ້ອມແຊມຕໍ່ເຕີມ.

ສຳພັດກັບອີກດ້ານໜຶ່ງຂອງປະເທດລາວໃນຂະນະທີ່ທ່ານໄປທ່ຽວຫຼວງພະບາງ, ສະຖານທີ່ ທີ່ສວຍງາມ ແລະ ຍັງຄົງຄວາມເປັນເອກະລັກເຮັດໃຫ້ທ່ານມີຄວາມຮູ້ສຶກຄືກັບວ່າທ່ານກຳລັງຍ້ອນອະດີດ. ຮຽນຮູ້ ແລະ ເຂົ້າໃຈກ່ຽວກັບປະສົບການໃນແຕ່ລະມື້ຂອງຊາວທ້ອງຖິ່ນທີ່ອາໄສຢູ່ທີ່ນີ້.

ຊົມຕາເວັນຕົກດິນ, ນ້ຳຕົກຕາດກວາງຊີ, ຖ້ຳປາກອູ, ຮັບປະທານອາຫານຄ່ຳ ແລະ ລ່ອງເຮືອສຳລານໃນແມ່ນ້ຳຂອງ ແລະ ອື່ນໆອີກ.

ແມ່ນ້ຳຂອງອັນກວ້າງໃຫຍ່ເປັນຄຳທີ່ຜູ້ຄົນມັກຈະເວົ້າເຖິງກ່ຽວກັບແມ່ນ້ຳ. ຖ້າຖາມວ່າມັນໃຫຍ່ຊ່ຳໃດຫັ້ນຫວາ? ເລື່ອງນັ້ນທ່ານຕ້ອງໄດ້ມາສຳພັດດ້ວຍຕົວທ່ານເອງດ້ວຍການລ່ອງເຮືອທີ່ມີຢູ່ໃນເມືອງຫຼວງພະບາງ.

ລ່ອງເຮືອ 2 ມື້ຈາກຫ້ວຍຊາຍ ແລ້ວແວ່ຢຸດພັກທີ່ປາກແບ່ງ ພົບປະນັກທ່ອງທ່ຽວທີ່ມາຈາກຊຽງລາຍ, ປະເທດໄທສູ່ຫຼວງພະບາງ. ການລ່ອງເຮືອໃນຄັ້ງນີ້ຈະເຮັດໃຫ້ທ່ານໄດ້ເຫັນມຸມມອງໃໝ່ໆຂອງປະເທດລາວ. ສຳພັດກັບທຳມະຊາດດ້ວຍຕົວຂອງທ່ານເອງໃນຂະນະທີ່ເດີນທາງໄປຕາມຄວາມງຽບສະຫງົບ ແລະ ຈັງຫວະຄື້ນຂອງແມ່ນ້ຳຂອງ. Shompoo Cruise ເປັນຂໍ້ສະເໜີທີ່ດີທີ່ສຸດໃນການເດີນທາງໃນຄັ້ງນີ້.

ສຳລັບນັກທ່ອງທ່ຽວທີ່ມີລົດຊະນິຍົມທີ່ຫຼູຫຼາ, Mekong Kingdom ຈະຊ່ວຍໃຫ້ທ່ານໄດ້ສຳຜັດກັບຄວາມມະຫັດສະຈັນຂອງແມ່ນ້ຳຂອງໄປກັບການລ່ອງເຮືອທີ່ຫຼູຫຼາທີ່ສຸດໃນນະຄອນຫຼວງພະບາງ.

ສຳລັບນັກທ່ອງທ່ຽວທີ່ບໍ່ມີເວລາໃນການລ່ອງເຮືອເປັນມື້ໄປທີ່ປະເທດໄທ ຫຼື ຕ່າງແຂວງ. ວິທີທີ່ດີທີ່ສຸດທີ່ຈະໄດ້ສຳພັດກັບແມ່ນ້ຳຂອງໃນພາຍໃນເວລາ 2-3 ຊົ່ວໂມງນັ້ນກໍ່ຄື ການລ່ອງເຮືອເບິ່ງຕາເວັນຕົກດິນ. ທ່ານຈະໄດ້ມີເວລາຜ່ອນຄາຍໂດຍບໍ່ຕ້ອງກັງວົນກັບເລື່ອງໃດໆ. ຊົມທິວທັດຮອບໆເຮືອໃນຂະນະທີ່ເພີດເພີນໄປກັບສາຍລົມເບົາໆທີ່ພັດຜ່ານໃບໜ້າ ແລະ ແສງແດດອຸ່ນໆຍາມຕາເວັນກຳລັງຈະຕົກດິນ. ໃນຂະນະທີ່ກຳລັງລ່ອງໄປຕາມແມ່ນ້ຳ ແລະ ພູເຂົາ. ແສງສີສົ້ມຂອງດວງຕາເວັນກໍ່ຈະຄ່ອຍໆຈາງໄປ. ມັນເປັນຊ່ວງເວລາທີ່ດີທີ່ຈະໄດ້ດື່ມເບຍຈັກແກ້ວ ກັບ ອາການກິນຫຼິ້ນລະຫວ່າງທາງເພື່ອການລ່ອງເຮືອທີ່ສົມບູນແບບ.

ລ່ອງເຮືອເຄິ່ງມື້ຕາມແມ່ນ້ຳຂອງຍັງຄົງເປັນຕົວເລືອກທີ່ນິຍົມສຳລັບການທ່ຽວຊົມຖ້ຳປາກອູ, ນ້ຳຕົກຕາດກວາງຊີ ແລະ ໝູ່ບ້ານເຄື່ອງປັ້ນດິນເຜົາ/ຫັດຖະກຳ.

ກວດເບິ່ງທາງເລືອກເຮືອລ່ອງຂອງພວກເຮົາໄດ້ໃນຊ່ອງທົວ ເພື່ອເບິ່ງຕົວເລືອກໃນການລ່ອງເຮືອ ແລະ ການເດີນທາງທີ່ໜ້າຕື່ນເຕັ້ນທີ່ຊ່ວຍໃຫ້ທ່ານຄົ້ນຫາສະຖານທີ່ທ່ອງທ່ຽວທີ່ງົດງາມທີ່ສຸດແຫ່ງໜຶ່ງຂອງປະເທດລາວຕາມແບບທີ່ທ່ານຕ້ອງການ.

ຖ້າຫານທ່ານຕ້ອງການຊອກຫາວັດຖຸດິບແບບລາວໆທີ່ສົດໃໝ່ທ່ານຕ້ອງໄປທີ່ຕະຫຼາດເຊົ້າແຫ່ງນີ້. ເພາະເປັນຕະຫຼາດທີ່ເປີດແຫ່ງທຳອິດໃນຕອນເຊົ້າ ແລະ ຊາວບ້ານແຖບນີ້ກໍ່ພາກັນມາຊື້ຜັກ, ປາ, ສະໝຸນໄພຕ່າງໆ, ໄຂ່, ຊີ້ນດ ໝາກໄມ້ ພ້ອມທັງສັດສາວາຕ່າງໆຫຼາຍຊະນິດ.  ຕະຫຼາດເຊົ້າເປັນຕະຫຼາດກາງແຈ້ງທີ່ມີພໍ່ຄ້າຊາວຂາຍສ່ວນໃຫຍ່ຈະຂາຍສິນຄ້າຂແງພວກເຂົາເອງໃຕ້ຄັນຮົ່ມໃຫຍ່. ນີ້ເປັນສະຖານທີ່ທີ່ເໝາະສົມກັບການຊື້ໄຄແຜ່ນ, ຊີ້ນຄວາຍແຫ້ງ, ກ້ວຍ ແລະ ເຫັດທອດ. ເຖິງແມ່ນວ່າທ່ານຈະບໍ່ຢາກຊື້ຫຍັງຕິດໄມ້ຕິດມືໄປກໍ່ຕາມ ແຕ່ມັນກໍ່ຄຸ້ມຄ່າທີ່ຈະໄປທ່ຽວຊົມເພື່ອຖ່າຍຮູບສິ່ງແປກໆ ແລະ ໜ້າອັດສະຈັນ.

ຕະຫຼາດເປີດແຕ່ 05:00ໂມງ - 11:00ໂມງ.

ສະຖານທີ່ຕັ້ງຢູ່: ທາງຫຼັງສູນຂໍ້ມູນຂ່າວສານການທ່ອງທ່ຽວ

ແມ່ນຫຍັງຄື ຜະລິດຕະພັນຈາກນົມຄວາຍລາວ ຫຼື ຟາມຄວາຍ?

ກິດຈະກຳເພື່ອສັງຄົມເລີ່ມຕົ້ນຈາກສອງຄອບຄົວທີ່ຕັດສິນໃຈວ່າຈະເຂົ້າສູ່ວິກິດຊ່ວງອາຍຸໄວກາງຄົນດ້ວຍ “ຈຸດປະສົງທີ່ມີຫຼາຍກວ່າລົດປໍເຊ້!” ຜະລິດຕະພັນນົມຄວາຍແຫ່ງທຳອິດ ແລະ ແຫ່ງດຽວໃນປະເທດລາວທີ່ຜະລິດຊີສ ແລະ ອື່ນໆ. ລວມທັງມອສເຊລາຊີສ (mozzarella), ບລູຊີສ (blue cheese), ເຟຕາ (feta) ແລະ ກະແລ້ມ. ເຮົາຂໍມອບໂອກາດພິເສດນີ້ໃຫ້ຜູ້ທີ່ມາທ່ຽວຫຼວງພະບາງໄດ້ລອງຊິມຊີສທີ່ແຊບເຫຼົ່ານີ້ ແລະ ສຳຜັດຄວາຍ ແລະ ສັດອື່ນໆໃນຟາມແບບໃກ້ຊິດ. ນັກທ່ອງທ່ຽວທີ່ເຂົ້າໄປເບິ່ງຟາມນົມຄວາຍແມ່ນກໍາລັງຊ່ວຍສະໜັບສະໜູນການເຊົ່າຄວາຍໃຫ້ຊາວກະສິກອນໃນທ້ອງຖິ່ນໃຫ້ມີລາຍໄດ້ເພີ່ມຂຶ້ນ, ການໃຫ້ອາຫານ, ການເບິ່ງແຍງສັດ ແລະ ໂປຼແກຮມການປະສົມພັນເພື່ອປັບປຸງພັນທຸກຳຄວາຍໃນທ້ອງຖິ່ນ.

ນັກທ່ອງທ່ຽວຍັງໄດ້ຊ່ວຍກອງທຶນການເວີກຊ໊ອບກ່ຽວກັບການເບິ່ງແຍງສັດ, ວິທີການຜະລິດອາຫານສັດແບບກະເສດອິນຊີ ແລະ ວິທີການຮີດນົມຄວາຍໃຫ້ຊາວກະສິກອນໃນທ້ອງຖິ່ນອີກດ້ວຍ, ເພື່ອໃຫ້ພວກເຂົາສາມາດປັບປຸງໂພສະນາການຂອງເດັກນ້ອຍໃນໝູ່ບ້ານ.

ການຜະລິດຊີສໄດ້ເອງແບບຍືນຍົງ: ອຸດສາຫະກຳໃໝ່ໃນປະເທດລາວ

ອົງກອນຂອງພວກເຮົາມີໂຮງງານຜະລິດນົມ ແລະ ຜະລິດຕະພັນຈາກນົມເຊັ່ນ: ໂຢເກີດຊີສ ແລະ ກະແລ້ມສຳລັບລູກຄ້າພາຍໃນ ແລະ ຕ່າງປະເທດ.

ພາບລວມຂອງທຸລະກິດ

ໂດຍການຮ່ວມມືກັບປະຊາຊົນຈາກບັນດາບ້ານໃນ ແລະ ອ້ອມຕົວເມືອງຫຼວງພະບາງດ້ວຍການເຊົ່າຄວາຍຂອງພວກເຂົາ, ເຊິ່ງເຮັດໃຫ້ຄອບຄົວມີລາຍໄດ້ເປັນປົກກະຕິຈາກແຫຼ່ງຊັບພະຍາກອນທີ່ບໍ່ມີປະສິດຕິພາບ, ຄືຄວາຍເພດແມ່ ແລະ ຄວາຍເພດຜູ້ຈະຖືກຂາຍເພື່ອເອົາຊີ້ນເຂົ້າຕະຫຼາດ. ພວກເຮົາໄດ້ສ້າງສະຖານທີ່ສຳລັບຮີດນົມຄວາຍຂອງພວກເຂົາ ແລະ ເຮັດໃຫ້ພວກມັນມີອາຫານທີ່ດີ, ມີສຸຂະພາບດີ ແລະ ປອດໄພ.

ດ້ວຍການໃຊ້ແພັດຟອມ IndieGoGo ເຮົາກຳລັງເປີດຕົວປຸກລະດົມທຶນໂດຍໄດ້ຕັ້ງເປົ້າໝາຍ 30,000ໂດລາສະຫະລັດ ເພື່ອເປັນຄ່າໃຊ້ຈ່າຍໃນການຊື້ຄວາຍແມ່ທີ່ກຳລັງຖືພາຈຳນວນ 20 ຕົວໃຫ້ກັບຊາວກະສິກອນຜູ້ທີ່ມີທຶນໜ້ອຍບໍ່ສາມາດຊື້ຄວາຍເປັນຂອງຕົວເອງໄດ້. ໂດຍພວກເຮົາຈະໄດ້ມອບຄວາຍແມ່ 20 ໂຕ ໃຫ້ແກ່ຊາວກະສິກອນທີ່ຕ້ອງການຄວາມຊ່ວຍເຫຼືອ. ຊາວກະສິກອນທີ່ໄດ້ຮັບການເຝິກອົບຮົມ ແລະ ເງິນສົດ $500 ເພື່ອເປັນຄ່າອາຫານ ແລະ ຄ່າໃຊ້ຈ່າຍອື່ນໆໃນການຫາລ້ຽງຄວາຍ. ໃນຕໍ່ໜ້ລູກຄວາຍຈະກາຍເປັນຄວາຍໃຫຍ່ ແລະ ຄວາຍໃຫຍ່ຈະມີລູກຄວາຍ ແລະ ວົງຈອນຂອງໂອກາດກໍ່ຈະເລີ່ມຕົ້ນຂື້ນ. ພວກເຮົາຍັງຈະລ້ຽງຄວາຍເຫຼົ່ານີ້ກັບຄວາຍອິນເດຍ Murrah ເຊິ່ງຈະຊ່ວຍປັບປຸງຜົນຜະລິດນົມໃນລຸ້ນຕໍ່ໆໄປ, ດພີ່ມໂອກາດໃນການຢູ່ລອດຂອງຄວາຍພັນທີ່ດີກວ່າ, ເຊິ່ງມັນເຮັດໃຫ້ຊາວກະສິກອນ ແລະ ຊ່ວຍໃຫ້ຊາວກະສິກອນສ້າງລາຍໄດ້ສູງຈາກຄວາຍໂຕໃຫຍ່ ແລະ ມີຜົນຜະລິດຫຼາຍຂື້ນ. ໂຄງການປັບປຸງພັນທຸກຳນີ້ແມ່ນ ກຳລັງດຳເນີນໂດຍສົມທົບກັບສະຖາບັນກະສິກຳລາວ.

ຝູງຄວາຍສ່ວນທີ່ເຫຼືອປະມານ 200 ໂຕຈະຖືກເຊົ່າຈາກຫຼາຍໆບ້ານ, ຮີດນົມປະຈຳວັນໃນໄລຍະເວລາປະມານ 6 ເດືອນໃນແຕ່ລະຄັ້ງ, ຫຼັງຈາກນັ້ນກໍ່ສົ່ງຄືນບ້ານຈົນກວ່າຄວາຍຈະພ້ອມທີ່ຈະມີລູກອີກ ແລະ ຂະບວນການກໍ່ຈະເລີ່ມຕົ້ນໃໝ່. ໃນຊ່ວງເວລານີ້, ພວກເຮົາຈະເບິ່ງແຍງ, ລ້ຽງ, ແລະ ສັກວັກຊີນໃຫ້ແກ່ຄວາຍ ແລະ ລູກຄວາຍ. ຊາວບ້ານຈະຍົງຄົງສິດຄວາມເປັນເຈົ້າຂອງສັດຂອງເຂົາເຈົ້າ.

ໃນສ່ວນຂອງຂະບວນການການຮີດນົມຄວາຍໃນທຸກໆມື້ນັ້ນ ໄດ້ເຮັດໃຫ້ເຮົາສ້າງບຸກຄະລາກອນທີ່ເຮັດວຽກເຕັມເວລາໄດ້ 30 ຕຳແໜ່ງ. ເຊິ່ງພວກເຮົາກໍ່ໄດ້ສະເໜີໃຫ້ຊາວກະສິກອນທ້ອງຖິ່ນທີ່ມາເຮັດວຽກຮ່ວມກັບເຮົາຕັ້ງແຕ່ເລີ່ມຕົ້ນ.

ສະຖານທີ່ຜະລິດຊີສຂອງພວກເຮົາໄດ້ຜະລິດ mozzarella ໃນເດືອນເມສາ 2017, ໄດ້ສ້າງບຸກຄະລາກອນທີ່ເຮັດວຽກເຕັມເວລາຈຳນວນ 5 ຕຳແໜ່ງ ແລະ ຕິດຕັ້ງເຄື່ອງຂ້າເຊື້ອໃນສາງເກັບນົມທີ່ໄດ້ຈາກການຮີດນົມຄວາຍທຸກ

ສະຖານທີ່ຜະລິດເນີຍແຂງຂອງພວກເຮົາໄດ້ຜະລິດ mozzarella ໃນເດືອນເມສາ 2017, ໄດ້ສ້າງຕຳແໜ່ ເຕັມເວລາ ຈຳນວນ 5 ຕຳແໜ່ງ ແລະ ມີຄວາມສາມາດໃນການຂ້າເຊື້ອໃນນົມ, ເກັບຮັກສານົມທີ່ໄດ້ມາຈາກຄວາຍໃນແຕ່ລະວັນ.ພວກເຮົາຜະລິດ, ບັນຈຸພັນ ແລະ ເກັບມ້ຽນສິນຄ້າຈົນກວ່າຈະຂົນສົ່ງ. ລະດັບຜະລິດຕະພັນປະຈຸບັນປະກອບມີ ນົມສົ້ມ, mozzarella, ricotta, ກະແລມ ແລະ cheesecake. ສຳລັບລາຍຊື່ເຕັມກົດທີ່ນີ້.

ໃນສ່ວນຂອງຊ່ອງທາງການຈັດຈຳໜ່າຍນັ້ນ, ພວກເຮົາຈະຈັດສົ່ງໄປທີ່ຮ້ານອາຫານ, ໂຮງແຮມໃນທ້ອງຖິ່ນ ແລະ ຫ້າງສັບພະສິນຄ້າໃນແຂວງຫລວງພະບາງຕະຫຼອດຈົນທົ່ວປະເທດລາວ. ເມື່ອມມີການຜະລິດເພີ່ມຂຶ້ນ, ພວກເຮົາຈະສົ່ງອອກໄປທີ່ຕະຫຼາດຈີນ ແລະ ອາຊ້ຽນອີກດ້ວຍ.

ຜະລິດຕະພັນຂອງພວກເຮົາຍັງໄດ້ວາງຂາຍໜ້າຮ້ານໃຫ້ກັບປະຊາຊົນ ແລະ ກຸ່ມນັກທ່ອງທ່ຽວທີ່ໄດ້ເຂົ້າມາທ່ຽວໂຮງງານຜະລິດ ແລະ ຟາມຂະໜາດນ້ອຍ, ສູນເຝິກອົບຮົບ ແລະ ຄ່າເຟຂອງພວກເຮົາພ້ອມໃຫ້ບໍລິການສຳລັບນັກທ່ອງທ່ຽວທີ່ມາທ່ຽວຊົມຟາມຂອງເຮົາ.

ທຸລະກິດທີ່ມີຄວາມຮັບຜິດຊອບຕໍ່ສັງຄົມແບບນີ້ຂອງເຮົາໄດ້ຮັບເງິນທຶນຈາກເຈົ້າຂອງກິດຈະການ ແລະ ບໍລິຫານໂດຍນັກລົງທຶນຕ່າງປະເທດ ແລະ ຄົນລາວ 2 ຄົນ. ພວກເຮົາເຮັດວຽກກັບຊາວບ້ານທ້ອງຖິ່ນແຖວນັ້ນ ແລະ ແບ່ງປັນຜົນປະໂຫຍດດັ່ງຕໍ່ໄປນີ້:

1. ຊາວກະສິກຳທ້ອງຖິ່ນໄດ້ຮັບແຫຼ່ງລາຍໄດ້ໃໝ່ດ້ວຍການໃຫ້ເຊົ່າຄວາຍຂອງພວກເຂົາເພື່ອໃຫ້ເຮົາຮີດນົມ, ລວມປະມານ 45,000 ໂດລາສະຫະລັດຕໍ່ປີ.
2.  ປັບປຸງເບິ່ງແຍງຄວາຍ ແລະ ລູກຄວາຍຂອງພວກເຂົາດ້ວຍໂປຼແກມການປັບແຕ່ງພັນທຸກຳເພື່ອປັບປຸງອັດຕາການຢູ່ລອດຂອງລູກຄວາຍ.
3. ລາຍໄດ້ຂອງການເຊົ່າດິນຂອງຊາວບ້ານແມ່ນໃຊ້ເພື່ອການຜະລິດນົມ ແລະ ຜະລິດຕະພັນອື່ນໆ.
4. ລາຍໄດ້ ແລະ ທັກສະໃໝ່ສຳລັບສະມາຊິກໃນຊຸມຊົນຜູ້ທີ່ຈະໄດ້ຮັບການຈ້າງເຂົ້າເຮັດວຽກໃນດ້ານຜະລິດຕະພັນນົມ, ການຜະລິດ ແລະ ການບໍລະຫານ.
5. ການສຳມະນາທີ່ດຳເນີນຢູ່ທີ່ຟາມເພື່ອສອນວຽກຕົວຈິງເພີ່ມຕື່ມໃຫ້ແກ່ຄູອາຈານ ແລະ ນັກສຶກສາຈາກມະຫາວິທະຍາໄລພາກເໜືອ.
6. ການເຝິກງານໃນໂຮງງານຜະລິດແມ່ຍິງທ້ອງຖິ່ນເພື່ອໃຫ້ມີທັກສະ ແລະ ປະສົບການໃນການເຮັດວຽກເພື່ອໃຫ້ພວກເຂົາເຂົ້າເຖິງຕະຫຼາດວຽກເຮັດງານທຳການທ່ອງທ່ຽວ.
7. ຮ່ວມກັບມະຫາວິທະຍາໄລສຸພານຸວົງໃນການລິເລີ່ມປ່ຽນຂີ້ເຫຍື້ອໃຫ້ເປັນ Bio-Gas ແລະ ເຝິກອົບຮົມໃຫ້ຊາວກະຊິກອນໃນທ້ອງຖິ່ນກ່ຽວກັບວິທີການໃຊ້ສິ່ງນີ້ໄດ້ໃນບ້ານຂອງພວກເຂົາເອງ.

ທີ່ຢູ່ຫ້ອງການ:

ບ້ານ ເມືອງຂາຍ, ນະຄອນຫຼວງພະບາງ, ປະເທດລາວ

ຄູ່ມືຮ້ານກາເຟທ້ອງຖິ່ນຂອງຫຼວງພະບາງ: ບ່ອນທີ່ທ່ານຈະຫາຮ້ານກາເຟໜ້າຮັກ + ກາເຟລົດຊາດດີເລີດ ໂດຍ  Liz Hiruschauer

ວັດທະນາທຳກາເຟໃນປະເທດລາວ (ບົດຄວາມແນະນຳທີ່ດີທີ່ສຸດ)

“ຫວຽດນາມ” ປະເທດເພື່ອນບ້ານຂອງລາວທີ່ໄດ້ຮັບຄວາມສົນໃຈຫຼາຍຈາກວັດທະນາທຳກາເຟທີ່ຈະເລີນຮຸ່ງເຮືອງ ແລະ ການຂົ້ວກາເຟທີ່ແຊບໄດ້ຢ່າງຖືກຕ້ອງ. ແຕ່ວ່າບໍ່ຄວນມີໃຜນັບປະເທດລາວອອກຈາກການຜະລິດກາເຟ. ໃນຄວາມເປັນຈິງແລ້ວການຜະລິດກາເຟໃນປະເທດລາວໄດ້ເປັນທີ່ຍອມຮັບໃນລະດັບໂລກແລ້ວ, ໂດຍສະເພາະຖ້າທ່ານຢາກລອງຊິມກາເຟທີ່ມີຫອມ ແລະ ເຂັ້ນຂຸ້ນ.

ກາເຟທີ່ຜະລິດຢູ່ລາວສ່ວນໃຫຍ່ແມ່ນປູກຢູ່ພາກໃຕ້ຂອງປະເທດລາວ. ພື້ນທີ່ນັ້ນມີສະພາບອາກາດທີ່ຂ້ອນຂ້າງເຢັນ ແລະ ຊຸ່ມ, ເໝາະແກ່ການປູກກາເຟ. ເມື່ອບໍ່ດົນມານີ້ພາກເໜືອຂອງປະເທດລາວມີການຜະລິດກາເຟເພີ່ມຂຶ້ນຢ່າງໄວວາຫຼັງຈາກທີ່ນັກວິໄຈດ້ານກະສິກຳໄດ້ຄົ້ນພົບພູເຂົາທີ່ເໝາະສຳລັບການປູກກາເຟ. ການປູກກາເຟຢູ່ທາງພາກເໜືອສາມາດສ້າງລາຍຮັບໃຫ້ແກ່ປະຊາຊົນທີ່ຢູ່ໃນພື້ນທີ່ດັ່ງກ່າວ, ພາຍຫຼັງທີ່ລັດຖະບານຈະໄດ້ມີການຍຸດຕິການປູກຝິ່ນຢ່າງຖາວອນ. ການເຮັດກະສິກຳແບບປອດສານຜິດໄດ້ຮັບຄວາມນິຍົມຫຼາຍຂຶ້ນເຊິ່ງສົ່ງຜົນໃຫ້ກາເຟອໍແກນິກເປັນທີ່ນິຍົມໄປນຳ ແລະ ໄດ້ຖືກວາງຈຳໜ່າຍຢູ່ຮ້ານອາຫານໃຫຍ່ ແລະ ຮ້ານຄ້າທົ່ວໄປ.

ອ່ານບົດຄວາມເພີ່ມຕື່ມໄດ້ທີ່: https://www.sillylittlekiwi.com/home/2018/9/9/a-locals-guide-to-cafes-in-luang-prabang-laos

ໂຍຄະຫຼວງພະບາງ, ເປັນສະຖານທີ່ ທີ່ທ່ານຈະໄດ້ຮຽນໂຍຄະ, ການເຮັດເວີກຊັອບ ແລະ ອື່ນໆອີກຫຼາຍຢ່າງ!

ຫຼວງພະບາງໂຍຄະແມ່ນການຮ່ວມມືຂອງຄູສອນໂຍຄະແບບອິດສະຫຼະທີ່ໃຫ້ບໍລິການໂຍຄະໃນສະຖານທີ່ທີ່ສວຍງາມທີ່ສຸດໃນຫຼວງພະບາງ. ຮ່ວມກັນກັບນັກຮຽນທີ່ອາໃສຢູ່ຫລືເດີນທາງມາທີ່ນີ້, ພວກເຮົາເປັນຊຸມຊົນໂຍຄະທີ່ເປັນເອກະລັກເຊິ່ງເຊື່ອໃນການເຊື່ອມຕໍ່ລະຫວ່າງທຳມະຊາດ ແລະ ໂຍຄະ. ພວກເຮົາສະໜັບສະໜູນສະຖານທີ່ ແລະ ຄູສອນຫຼາຍຄົນໂດຍການຈັດບ່ອນສອນ ແລະ ຈັດເວີກຊັອບໃນສະຖານທີ່ຕ່າງໆຮອບໆເມືອງ. ມາຮ່ວມເປັນສ່ວນໜຶ່ງຂອງພວກເຮົາ, ເຮົາຈະພາທ່ານກ້າວອອກໄປນອກສະຕູດິໂອໂຍຄະ ເພື່ອເຝິກຝົນໃນສະຖານທີ່ທີ່ທ່ານຈະຈົດຈຳໄປອີກດົນ. ເຂົ້າຮ່ວມໂຍຄະກັບເຮົາເພື່ອເບິ່ງທິວທັດແມ່ນ້ຳຂອງ ແລະ ແມ່ນ້ຳຄານທີ່ສົມບຸນແບບ ຫຼື ຊົມບັນຍາກາດ ສະບາຍໃນສະຖານທີ່ຖະໜົນສາຍຫຼັກຂອງພວກເຮົາໃນການເຝຶກໂຍຄະໃນຕອນແລງ. ສະມາຄົມຄູ ແລະ ນັກຮຽນຂອງເຮົາຂະຫຍາຍຕົວໄປໄກຫຼາຍ ແລະ ຕອນນີ້ເຮົາກໍ່ໄດ້ເປັນທີ່ຍອມຮັບໃນລະດັບໂລກອີກດ້ວຍ!

ຄຳແນະນຳ

ເປັນວັນຊິວໆ. ເພີດເພີນໄປກັບຍາມຄ່ຳຄືນ ຄາເຟ່ / ບຣາ / ສະຖານທີ່ນັ່ງຊິວ / ໂຍຄະແຄມນ້ຳ ແລະ ເດີນຕີບານຫາດຊາຍ.

ເສັ້ນທາງ:

ຢູໂທເປຍຕັ້ງຢູ່ແຄມນ້ຳຄານຢູ່”ອີກເບື້ອງໜຶ່ງ”ຂອງພູສີ. ທ່ານສາມາດຍ່າງອ້ອມພູສີໄດ້ທັງສອງດ້ານຈາກຂ້າງຕະຫຼາດກາງຄືນ ແລະ ທາງເສັ້ນຫຼັກ. ແຕ່ຢ່າຂ້າມນ້ຳຄານ ບໍ່ວ່າຈະຂ້າມຈຸດໃດກໍ່ຕາມເພາະນັ້ນໝາຍຄວາມວ່າທ່ານກຳລັງໄປຜິດທາງ! ຍ່າງໄປບໍ່ເກີນ 10 ນາທີ ຍົກເວັ້ນແຕ່ວ່າທ່ານຈະຢຸດຊົມທິວທັດຕາມທາງ. ຖ້າໄປຕອນກາງຄືນກໍ່ບໍ່ຕ້ອງຢ້ານເພາະຕາມທາງມີໄຟ ແລະ ບໍ່ດົນທ່ານກໍ່ຈະຮອດຢູໂທເປຍ.

ເສັ້ນທາງໄປ ທາງທີ່ #1

ຈາກມຸມໃກ້ກັບຮ້ານ Sports Bar ຍ່າງລົງມາປະມານ 50ແມັດ ແລະ ລ້ຽວຊ້າຍລົງຮ່ອມທີ່ຖັດຈາກຮ້ານອາຫານ Silapa Restaurant ແລະ ຍ່າງໄປຕາມປ້າຍບອກທາງ.

ເສັ້ນທາງໄປ ທາງທີ່ #2

ໄປທາງດຽວກັນກັບທາງທີ່ 1 ຖ້າທ່ານຜ່ານຮ້ານອາຫານ Silapa Restaurant ໃຫ້ຍ່າງຕໍ່ໄປອີກ 15 ແມັດ ແລະ ລ້ຽວຊ້າຍຕາມຮ່ອມ ແລະ ລ້ຽວຂວາໄປຈະເຫັນຂົວເຫຼັກນ້ອຍໆຢູ່ຫັ້ນ. ຫາກທ່ານໄປຮອດປ້ຳນ້ຳມັນ ສະແດງວ່າທ່ານຍ່າງໄປຜິດທາງ.

ເສັ້ນທາງໄປ ທາງທີ່ #3

ທາງນີ້ດີທີ່ສຸດສຳລັບການຍ່າງໄປ. ທ່ານຍ່າງໄປຕາມແຄມນ້ຳຄານຈາກນັ້ນຂ້າງຊ້າຍທີ່ທ່ານຍ່າງຜ່ານແມ່ນ Red Bull Bar ແລະ ດ້ານຫຼັງຂອງບຣານັ້ນກໍ່ແມ່ນຮ້ານ Coconut Luang Prabang ເຊິ່ງຂ້າງຮ້ານນັ້ນຈະມີຮ່ອມນ້ອຍໆເຂົ້າໄປໃນວັດ (ຮ່ອມທີ່ຢູ່ດ້ານຂວາຂອງ ​​​​​ Coconut Luang Prabang). ຍ່າງຊອດວັດໄປລົງຂັ້ນໄດ ແລະ ຍ່າງຕໍ່ໄປຕາມປ້າຍທ່ານກໍ່ຈະພົບກັບຮ້ານຢູໂທເປຍ.

ຄົ້ນຫາຂໍ້ມູນເພີ່ມຕື່ມກ່ຽວກັບຫ້ອງຮຽນໂຍຄະ ແລະ ຕາຕະລາງຮຽນໄດ້ທີ່: http://www.luangprabangyoga.org/class-schedule.html

ແຫຼ່ງທີ່ມາຂອງຮູບ: https://www.21moves.com/yoga-luang-prabang-laos-utopia/ 

Sansany Charity Yoga - ທຸກໆວັນອາທິດ Sansany ເປັນຜູ້ເຝິກສອນໂຍຄະຄົນລາວພື້ນເມືອງສົ່ງເສີມການໃຊ້ຊີວິດໃຫ້ມີສຸຂະພາບທີ່ດີດ້ວຍການສອນໂຍຄະທີ່ໂຮງແຮມອາວານີ. ຄ່າທຳນຽມສຳລັບຄົນຕ່າງປະເທດແມ່ນ 40,000ກີບ ແລະ ຄົນລາວ 30,000ກີບ. ຄ່າໃຊ້ຈ່າຍທັງໝົດແມ່ນບໍລິຈາກເພື່ອສະໜັບສະໜູນໂຄງການສູນການສຶກສາພາສາຕ່າງປະເທດ (@Mylibrary) ໃນຫຼວງພະບາງ. ເປັນຫຍັງບໍ່ມາອອກກຳລັງກາຍໃຫ້ຮູ້ສຶກດີ ແລະ ເຮັດມັນໃຫ້ດີໃນເວລາດຽວກັນລະ?

ຕິດຕາມລາວທີ່ facebook https://www.facebook.com/Sansany.keo/

ລວດລາຍຂອງຜືນຜ້າທີ່ສະທ້ອນຄຸນຄ່າຄວາມເປັນລາວ...ຄົ້ນຫາປະເທດລາວຜ່ານຜ້າໄໝລາວ

“ເມື່ອຕາດວັນອອກມາພົບກັບຕາເວັນຕົກ”

ສ້າງຕັ້ງຂຶ້ນໃນປີ 2000 ໂດຍຍິງສາວສັນຊາດອັງກິດນາມວ່າ Joanna (Jo) Smith ແລະ ສາວລາວເມືອງມໍລະດົກໂລກ ທ່ານນາງ ແວວມະນີ (ແວວ) ດວງດາລາ, ອອກ ພົບ ຕົກ ຫຼື ເປັນທີ່ຮູ້ຈັກກັນໃນຊື່ OPT ໄດ້ຂະຫຍາຍທຸລະກິດຈາກຮ້ານຄ້ານ້ອຍໆທີ່ຈຳໜ່າຍສິນຄ້າພຽງ 2-3 ແບບ ຈົນໄດ້ກາຍມາເປັນສູນການຮຽນຮູ້ ແລະ ພັດທະນາການສ້າງສັນລວດລາຍເທິງແຜ່ນຜ້າທີ່ສຳຄັນໃນລາວ ແລະ ຂົງເຂດອາຊີຕາເວັນອອກສຽງໃຕ້, ປັດຈຸບັນອອກພົບຕົກມີຫລາຍກວ່າ 78 ເພື່ອນຮ່ວມງານທີ່ດຳເນີນວຽກງານໄປນຳກັນ. ພົບກັບຄົນອື່ນໆອີກໄດ້ທີ່ນີ້!

ອອກ ພົບ ຕົກ (ໝາຍຄວາມວ່າ “ຕາເວັນອອກພົບຕາເວັນຕົກ”) ຖືກກໍ່ຕັ້ງຂຶ້ນບົນພື້ນຖານຫຼັກການຂອງຮ້ານຄ້າທີ່ເປັນທຳ ແລະ ການດຳເນີນທຸລະກິດທີ່ຍືນຍົງ. ບໍລິສັດເປັນຜູ້ບຸກເບີກທຸລະກິດດ້ານສັງຄົມ ແລະ ແຟຊັ່ນຊົນເຜົ່າ

ກ່ອນທີ່ຂໍ້ກຳນົດເຫຼົ່ານີ້ຈະແມ່ນສ່ວນໜຶ່ງຂອງຄຳສັບວັດທະນະທຳ ຂອງພວກເຮົາ.

ຄົ້ນຫາປະສົບການດ້ວຍຕົວຂອງທ່ານເອງ

ບໍ່ວ່າທ່ານຈະມີເວລາ 30 ນາທີ ຫຼື 36 ຊົ່ວໂມງ ແຕ່ຖ້າທ່ານຢາກລອງຮຽນ ຫຼື ຮັບປະທານອາຫານທ່ຽງທີ່ Silk Road Café, ພວກເຮົາຍິນດີທີ່ຈະມອບສິ່ງທີ່ພິເສດໃຫ້ທ່ານໄດ້ສຳຜັດໃນຂະນະທີ່ທ່ານຢູ່ຫລວງພະບາງ! ເຂົ້າຮ່ວມທົວ ແລະ ຟຣີໄກ້ນຳທ່ຽວ, ຍ່າງຫຼີ້ນໃນສວນຂອງພວກເຮົາ (ບ່ອນທີ່ທ່ານຈະເຫັນວັດຖຸດິບສຳລັບການຍ້ອມສີຂອງພວກເຮົາແບບທຳມະຊາດ) ຫຼື ມາທີ່ສູນການຮຽນຮູ້ເພື່ອເຂົ້າຊົມການຕ່ຳຫູກຂອງ 28 ນັກຕ່ຳຫູກທໍ່ໄຜທີ່ມີສີມືປານີດ.

ຊອກຂໍ້ມູນເພີ່ມເຕີມຂ້າງລຸ່ມ:

https://ockpoptok.com/about/

ໄປເປັນຄວານຊ້າງໜຶ່ງມື້, ອາບນ້ຳກັບຊ້າງ ຫຼື ຂີ່ສັດທີ່ສວຍງາມເຫຼົ່ານີ້ຜ່ານປ່າ. ມີແຄ້ມຊ້າງຫຼາຍແຫ່ງທີ່ມີຈາລິຍະທຳທີ່ແຕກຕ່າງກັນໄປໃຫ້ທ່ຽວຊົມໃນຫຼວງພະບາງ. ແຕ່ປະເທດນີ້ເປັນບ້ານຂອງຊ້າງເອເຊຍຫຼາຍກວ່າ 1000 ເຊືອກ ແລະ ຄອບຄົວຄວານຊ້າງແບບດັ່ງເດີມຫຼາຍຄົນ, ເຊິ່ງຄັ້ງໜຶ່ງເຄິຍພຶ່ງພາອຸດສາຫະກຳໄມ້ແຕ່ກໍ່ບໍ່ສາມາດຮັກສາ ແລະດູແລສັດໄດ້.

ສູນອະນຸຮັກຊ້າງ ແລະ ແຄ້ມຊ້າງໄດ້ໃຫ້ການເບິ່ງແຍງຊ້າງ ແລະ ຊ່ວຍເຫຼືອຄວານຊ້າງໃນການຫາລາຍໄດ້ເພີ່ມໃຫ້ກັບຄອບຄົວຂອງເຂົາໂດຍທີ່ໃຫ້ຊ້າງໄດ້ມີຊີວິດການເປັນຢູ່ທີ່ດີ, ມີສຸຂະພາບທີດີ. ສູນອະນຸຮັກຊ້າງຫຼາຍແຫ່ງເປີດໂອກາດໃຫ້ທ່ານໄດ້ອາບນ້ຳ, ເບິ່ງແຍງ, ໃຫ້ອາຫານ ຫຼື ຂີ່ສັດຄູ່ບາລະມີເຫຼົ່ານີ້, ລະຫວ່າງທາງທ່ານຈະໄດ້ເຫັນສາຍສຳພັນທີ່ແໜ້ນແຟ້ນລະຫວ່າງຊ້າງກັບຄວນຊ້າງ. ມີຫຼາຍໆໂອກາດທີ່ຈະໄດ້ສຳຜັດກັບຊ້າງເອເຊຍໃນລະຫວ່າງທີ່ທ່ານມາທ່ຽວຫຼວງພະບາງ.

ນອນເຮືອນແພແບບໃຫມ່ ແບບລາວລາວ ບັນຍາກາດດີ ມີຄວາມເປັນສ່ວນຕົວ ລ້ອມລອບໄປດ້ວຍແມ່ນ້ຳອູ ແລະ ທຳມະຊາດຂຽວງາມ. ເຮືອນແພມີ 7 ຫລັງ ສ້າງຈາກໄມ້ໄຜ່ທັງຫມົດ, ທຸກຫ້ອງບັງກາໂລເຮືອນແພມີ ລະບຽງສ່ວນຕົວໃຫ້ທ່ານໄດ້ຊົມວີວ

ເຮືອນແພໄບໂອແບມບູ ລາຄາ 250.000 ກີບຕໍ່ຄືນ ຟຮີອາຫານເຊົ້າ ສຳລັບ2ຄົນ,ຫ້ອງພັກງາມ,ສະອາດ ບໍລິການດີ ສາມາດ ຕຶກເບັດ ຫາປາໄດ້ ນອກນັ້ນຍັງມີບໍລິການຮ້ານອາຫານ ພື້ນບ້ານຫຼວງງພະບາງແຊບໆ ສາມາດໄປຫລີ້ນກິນເຂົ້າໄດ້ ແຕ່ແນະນຳໃຫ້ນອນຈະໄດ້ບັນຍາກາດດີສຸດໆ

ທີ່ຕັ້ງຢູ່ບ້ານປາກແຈກເມືອງປາກອູແຂວງຫຼວງພະບາງເສັ້ນທາງເລກທີ່13ເໜືອເສັ້ນທາງສະດວກສະບາຍຫ່າງຈາກຫຼວງພະບາງບໍ່ໃກ້ແລະບໍ່ໄກປະມານ45ກິໂລແມັດໃຊ້ເວລາຂັບລົດ50ນາທີເທົ່ານັ້ນ.

ສອບຖາມລາຍລະອຽດແລະຂໍ້ມູນເພີ້ມເຕີມໄດ້ທີ່ເບີແລະວອດສແອັບ 020 23879655 ຫຼື 020 23866866.

ສວນພູນສຸກ ແມ່ນແລນມາກແຫ່ງໃໝ່ສຳລັບສາຍທ່ຽວແບບທຳມະຊາດ ຖ້າໄດ້ໄປຕາດກວາງຊີຢ່າລືມແວ່ມາບ່ອນນີ້ເພາະທີ່ຕັ້ງຢູ່ໃກ້ກັນ. ທ່ານຈະໄດ້ສຳຜັດທຳມະຊາດທີ່ຂຽວງາມສຸດສາຍຕາ ເປັນຮ້ານອາຫານກາງທົ່ງນາທີ່ອ້ອມຮອບດ້ວຍວິວພຸເຂົາງາມໆ ເໝາະຢ່າງຍິ່ງສຳລັບການຜັກຜ່ອນໃນຂະນະທີ່ລໍຖ້າອາຫານມາເສີບ

ນອກຈາກຮ້ານອາຫານ ແລະ ສວນສຸດຊິວພ້ອມອາກາດບໍລິສຸດ ເຮັດໃຫ້ເຮົາໄດ້ພັກຜ່ອນ ຫຼື ເພີ່ມພະລັງໃນການເຮັດວຽກ ພາຍໃນຮ້ານຍັງມີ ມິນິຄາເຟ ໃຫ້ດື່ມເພື່ອຄວາມສົດຊື່ນລະຫວ່າງວັນອີກດ້ວຍ

ມີທັງລານປິກນິກສັງສັນ ມີເຕັ້ນງາມໆໃຫ້ນອນຂ້າມຄືນ ລາຄາເລີ່ມຕົ້ນທີ່ 350,000 ກີບ/ຄືນ

ສວນພູນສຸກຕັ້ງຢູ່ບ້ານລອງ ກ່ອນຈະໄປຮອດຕາດກວາງຊີ ປະມານ 10 ນາທີ